Монголын Андууд ТББ-ын тухай
Монголын Андууд ТББ нь боловсрол, хөгжлийн чиглэлээр Монгол Улс болон Америкийн Нэгдсэн Улсад үйл ажиллагаагаа явуулдаг ашгийн бус байгууллага юм. Тус байгууллага нь хоёр орны соёлын солилцоонд хувь нэмэр оруулах, хувь хүний хөгжлийг дэмжих чиглэлээр хамтын ажиллагааг хөгжүүлэх зорилгын хүрээнд үйл ажиллагаагаа хэрэгжүүлж байна.
Монголын Андууд ТББ нь сайн дурын ажилтнуудын үүсгэл санаачилгаар байгуулагдсан бөгөөд өнөөг хүртэл сайн дурын үндсэн дээр үйл ажиллагаагаа явуулж байна. Тус байгууллагын өдөр тутмын үйл ажиллагааг сайн дурын ажилтнууд гардан гүйцэтгэдэг ба ерөнхий заавар чигийг Удирдах зөвлөлөөр хэлэлцэн гаргадаг.
Монгол, АНУ хоёр орны ард түмний боловсрол, соёлын солилцоонд гар бие оролцох хүсэлтэй хэн бүхэнд манай гишүүнчлэл нээлттэй. Одоогийн байдлаар Энх тайвны корпусын сайн дурын ажилтнууд, дипломат албанд алба хашиж байсан хүмүүс, бизнесийн салбарынхан болон Монгол улстай, монголчуудтай холбоотой, Монголыг гэсэн сэтгэлтэй хүмүүс манай байгууллагын гишүүнчлэлд элсээд байна.